पदाधिकारी विवरण

  • Kiran Gurung

  • मन्त्री किरण गुरुङ - आर्थिक मामिला तथा योजना मन्त्रालय, गण्डकी प्रदेश

    संक्षिप्‍त जीवनी

    जन्म मितिः २०१७ चैत्र २३

    पिताः स्व.तुलाराम गुरुङ

    माताः बालकुमारी गुरुङ

    श्रीमतीः कृष्णकुमारी श्रेष्ठ

    दुई छोरा (१) केविन आकास गुरुङ (२) रविन आकास गुरुङ

     

    जन्म स्थानः भिमाद नपा ९ (सविक भानुमती गाविस–२) सखेप, तनहूँ

     

    अध्ययनः आई.एस.सी. (त्रिभुवन विश्वविद्यालय पृथ्वीनारायण क्याम्पस, पोखरा)

    भाषा ज्ञान:  नेपाली, अङ्ग्रेजी, हिन्दी र गुरुङ ।

    कृति प्रकाशन: समसामयिक राजनीतिक लेख, रचना र कविताहरु (विभिन्‍न पत्रपत्रिकामा प्रकाशित) ।

    पार्टी सदस्यता प्राप्‍त मिति र पार्टीको नाम:  वि.सं. २०३६ मा पार्टी सदस्यता प्रप्‍त तत्कालिन नेपाल कम्युनिष्ट पार्टी (माले) ।

    संगठनमा पुरा गरेको जिम्मेवारीः वि.सं. २०४९ मा सम्पन्न पाँचौं महाधिवेशनदेखि निरन्तर रूपमा केन्द्रीय कमिटीको  तथा हाल स्थायी कमिटीको सदस्य ।

     

    राजकीय जिम्मेवारी:

    १. प्रतिनिधिसभा सदस्य तनहूँ क्षेत्र नं. ३ (२०४८) बाट निर्वाचित,

    २. संविधानसभा सदस्य, तनहूँ - क्षेत्र नं. ३ (२०६४) बाट निर्वाचित ।

    ३. वन तथा भू–संरक्षण मन्त्री (वि.सं. २०६५)

    ४. हाल प्रदेश सभा सदस्य, तनहूँ  - क्षेत्र नम्बर २ (ख) बाट (वि.सं. २०७४ साल) निर्वाचित एवम् मन्त्री - आर्थिक मामिला तथा योजना, गण्डकी प्रदेश ।

     

    संक्षिप्‍त राजनीतिक जीवन:

    वि.सं. २०३५ । वि.सं. २०३६ सालदेखि २०४७ सम्म भूमिगत पेशेवर कार्यकर्ताको रूपमा गण्डकी र धौलागिरी अञ्‍चलमा कार्यरत । अर्थात तत्कालीन नेकपा (माले) को भूमिगत पेशेवर कार्यकर्ताको रुपमा कार्यरत । भुमिगत नामः सुमन ।

    वि.सं. २०३६ सालमा तत्कालिन नेकपा (माले) को सबैभन्दा तल्लो युनिट रेडगार्ड स्क्वायडमा संगठित । पृथ्वीनारायण क्याम्पसलाई आधार मानी बनाईएको यो भूमिगत संगठन तत्कालिन माले पार्टीको कास्की जिल्लाको पहिलो संगठन थियो । त्यसै दिनदेखि भूमिगत नामको समेत न्वारण भयो क. सुमन । भूमिगत कालभरि यही नामले परिचित । वि.सं. २०३६ सालमा पेशेवर कार्यकर्ता घोषित र “जनमत संग्रह”  बहिष्कार अभियानमा सहभागी । “जनमत संग्रह” को निर्वाचन पश्‍चात क. बामदेव गौतमको निर्देशनमा “बुर्जुवा पढाई र डिग्रीको बहिष्कार” गर्दै भूमिगत राजनीतिक काममा संलग्न । वि.सं. २०४६/४७ को ऐतिहासिक जनआन्दोलनले बहुदलीय व्यवस्था स्थापना नहुञ्‍जेल निरन्तर भूमिगत रुपमा क्रियाशील र त्यस अवधिमा कास्की, स्याङजा, बागलुङ, म्याग्दी, मुस्ताङ र पर्वतको पार्टी प्रमुख तथा सचिव भई कार्यरत ।वि.सं. २०३६ सालमा पूर्ण पार्टी सदस्यता प्राप्‍त । वि.सं. २०३९ सालमा पश्‍चिमोत्तर क्षेत्रीय कमिटीको सदस्य । वि.सं. २०४८ सालको प्रतिनिधिसभा निर्वाचनमा तनहूँ, क्षेत्र नं. ३ बाट निर्वाचित । वि.सं. २०४९ सालमा भएको नेकपा (एमाले) को पाँचौं महाधिवेशनबाट अहिलेसम्म निरन्तर केन्द्रीय कमिटीको सदस्य । पार्टीको जनवर्गीय संगठन अखिल नेपाल किसान संघको केन्द्रीय सदस्य, केन्द्रीय उपाध्यक्ष र महासचिव भई जिम्मेवारी समेत बहन गरेको । वि.सं. २०५४ को पार्टी विभाजनमा नेकपा (माले) मा विभाजित । वि.सं. २०६४ को पहिलो संविधान सभाको निर्वाचनमा तनहूँ  क्षेत्र नं. ३ बाट निर्वाचित । त्यसै अवधिमा माओवादी–एमालेको संयुक्त सरकारमा “वन तथा भू–संरक्षण” मन्त्री भई करिब ७ महिना काम गर्ने अवसर प्राप्‍त भएको  । पार्टीको नवौं राष्ट्रिय महाधिवेशनमा उपाध्यक्ष पदमा पराजित तर केन्द्रीय सदस्यमा निर्वाचित भई स्थायी कमिटी सदस्यको जिम्मेवारी बहन गरेको ।

    तत्कालीन नेकपा माले तथा एमाले पार्टीमा निर्वाह गरेको भूमिका: केन्द्रीय स्थानीय विभाग प्रमुख, केन्द्रीय सामाजिक सेवा विभाग प्रमुख, केन्द्रीय भूतपूर्व सैनिक संगठनको ईन्चार्ज, गण्डकी र धवलागिरि अञ्‍चल कमिटीको पटक/पटक ईन्चार्ज साथै संघीय संरचना पश्‍चात बनेको गण्डकी प्रदेश कमिटीको पनि ईन्चार्ज । हाल नेपाल कम्युनिष्ट पार्टी (नेकपा) को स्थायी कमिटी सदस्य ।

     

    विदेश भ्रमणः भारत, चीन, अमेरिका, बेलायत, हङकङ, फिलिपिन्स, बेल्जियम, नेदरल्याण्ड, फ्रान्स, इटली, स्पेन, पोर्चुगल, जर्मनी, स्वीजरल्याण्ड, डेनमार्क, लक्जेमवर्ग, स्वीडेन आदि ।

     

    दृष्टिकोण: द्वन्द्वात्मक भौतिकवाद ।

    सिद्धान्त : मार्क्सवाद ।

    विचारधारा: समाजवाद ।

    लक्ष्य: सुख, शान्ति, उन्नति–प्रगति, सामाजिक न्याय र समानता सहितको समृद्ध समाज ।

    जीवन: सादा जीवन, उच्च विचार ।

    आदर्श व्यक्तित्व: गौतम बुद्ध र कार्ल मार्क्स ।